जनता भ्वाइस 
कटारी / हेवेन्ली पाथ अर्गनाईजेसन उदयपुरको जिल्ला स्तरीय प्रेमवादी देउसी भैलो कार्यक्रम समापन गरिएको छ । गाईघाटमा एक वृहत कार्यक्रमका वीच कार्यक्रम समापन गरिएको हो ।
देउसीबाट संकलित रकमले भजन रेकर्ड गर्ने स्टुडियो निर्माण गरिने अर्गनाईजेसनका केन्द्रीय सदस्य सरिता राई (श्रेष्ठ)ले बताउनुभयो । “नयाँ प्रतिभाहरुको आवाजहरु समेटिएको भजनहरु रेकर्ड गर्नका लागि स्टुडियो निर्माण गर्ने लक्ष्य राखेका छौं”उहाँले भन्नुभयो ,“हाम्रो गुरुहजुरको विशेष उपस्थितिमा कार्यक्रम गरिएको हो ।”
अर्गनाईजेसनका जिल्ला अध्यक्ष रामसिंह राईको सभापतित्वमा सम्पन्न कार्यक्रममा कलाकारहरुले भजन लगायतका प्रस्तुतिहरु दिएका थिए । जिल्लाका विभिन्न नगर , वडा लगायतबाट यात्रीहरु सहभागी भएको थियो ।
उल्लेख्य उपस्थितिका वीच सम्पन्न कार्यक्रममा देउसी सम्पन्न गर्न सहयोगीहरुलाई धन्यवाद समेत दिईएको थियो । विगतका वर्षहरुमा जस्तै हेवेन्ली पाथले यस वर्षपनि विभिन्न साँस्कृतिक कार्यक्रम सहित देउसी आयोजना गरेको थियो ।
