कटारी ६ को वडा कार्यालय भवन मेयर श्रेष्ठद्वारा उदघाटन

कटारी/ कटारी नगरपालिका वडा नम्बर ६ ले अव आप्mनै वडा कार्यालय भवन पाएको छ । नगरपालिकाको ५० लाखको लागतमा नवनिर्मित ३ कोठे वडा कार्यालय भवनको आज उदघाटन गरिएको वडाध्यक्ष प्रेम मगरले बताउनुभयो ।
एक कार्यक्रमकावीच नगरपालिकाका प्रमुख मेयर राजेशचन्द श्रेष्ठले कार्यालयको भवन उदघाटन गर्नुभयो । भवन उदघाटन गर्दै मेयर श्रेष्ठले नगरपालिकाका अन्य वडाहरुमा पनि निकट भविष्यमै भवनहरु उदघाटन हुने बताउनुभयो ।
सेवाग्राहीहरुलाई भवनबाट सहज सेवा प्रदान गर्नका लागि सहज हुने पनि मेयर श्रेष्ठले बताउनुभयो । नगरपालिकाका उपप्रमुख उपमेयर गिता खड्काको विशेष आतिथ्यतामा भवन उदघाटन गरिएको हो ।
यस अघि भाडामा संञ्चालन गरिएको वडा कार्यालयले अव भने आप्mनै भवनबाट सेवा दिने वडाध्यक्ष मगरले बताउनुभयो । वडाको सोमबारेमा रहेको सार्वजनिक जग्गामा भवन निर्माण गरिएको हो ।