जनता भ्वाइस 
कटारी / ईलाका प्रहरी कार्यालय कटारीको प्रमुखका रुपमा प्रहरी नायब उपरीक्षक कमल बजगाई आउनुभएको छ । आज उपरीक्षक बजगाईको परिचयात्मक तथा दसैं तिहारको शुभकामना आदान प्रदान कार्यक्रम कार्यालय परिसरमा सम्पन्न भयो ।
कार्यक्रममा कटारी नगरपालिकाका प्रमुख मेयर राजेशचन्द्र श्रेष्ठ , उपप्रुमख गिता खड्का , वडा नम्बर ३ का अध्यक्ष पुष्कर खड्का , ५ का अध्यक्ष मोहन तामाङ्ग , ९ का अध्यक्ष वेगबहादुर आले मगर लगायतका विभिन्न सरोकारवाला निकायका प्रमुख तथा प्रतिनिधिहरुको सहभागीता रहेको थियो ।
उपरीक्षक बजगाँईसँगै कार्यालयमा प्रहरी निरिक्षक भिमलाल ओली र दिपक खरेल , ट्राफिक प्रहरी पोष्ट कटारीका प्रमुख सहायक प्रहरी निरिक्षक प्रविन कार्की लगायतसँग यस क्षेत्रका सरोकारवालाहरुले शान्ति सुरक्षा , समस्या र चुनौतीका बारेमा अन्र्तकृया गरेका थिए ।
त्यसैगरी शसस्त्र प्रहरी वल कटारीका प्रमुख प्रहरी निरिक्षक अशोक यादवले विना कुनै दबाव काम गर्ने अवसर दिए यस क्षेत्रका समस्या समाधानका लागि आफु तयार रहेको प्रतिवद्धता जनाउनुभएको थियो । कार्यक्रममा शुभकामना आदान प्रदान गरिएको थियो ।
