जनता भ्वाइस 
कटारी / साका फुटबल क्लव कटारीलाई ० का विरुद्ध तीन गोल गर्दै दुधौली डकाहाको नमुना जनउत्थान क्लव कटारी ५ भोर्लेमा जारी दोस्रो सलेश कप २०८१ मा विजयी भएको छ । स्वर्गीय पशुपति गिरीको स्मृतिमा जारी खुल्ला नकाउट फुटबल प्रतियोगितामा आज डकाहाले विजयी सुरुवात गरेको हो ।
खेलको म्यान अफ द म्याच जनउत्थानका सुदिप धामी घोषित भए । धामीलाई कटारी ५ का वडाध्यक्ष मोहन तामाङ्गले नगद पुरष्कार प्रदान गर्नुभयो । महान पर्व दसैं तिहारको अवसरमा आयोजित प्रतियोगिताको विजेताले नगद ७१ हजार १ रुपैंयाका साथमा , शिल्ड , मेडल र प्रमाण पत्र हात पार्ने र उपविजेताले नगद ५१ हजार १ रुपैंयाका साथमा शिल्ड , मेडल र प्रमाण पत्र हात पार्ने क्लवका आयोजक सलेश युवा समूहका अध्यक्ष देवान थापाले बताउनुभयो ।
प्रतियोगितामा उदयपुर र सिन्धलीा गरी १६ टिमले प्रतिष्पर्धा गरिरहेको प्रतियोगिताका संयोजक अम्बर तामाङ्गले बताउनुभयो । प्रतियोगिता आगामी २३ असोजसम्म संञ्चालन हुनेछ । प्रतियोगितामा विधागत पुरष्कारहरुको पनि व्यवस्था गरिएको छ । प्रतियोगितामा भोलि बीवीसी भुसुने र जहडी फुटबल क्लववीच प्रतिष्पर्धा हुनेछ ।
