जनता भ्वाइस 
दुधौली / दुर्गा प्रसाईलाई पक्राउ पुर्जी जारी भएको विरोधमा आज सिन्धुलीको दुधौली , ८ खोरभञ्ज्याँङ्गमा प्रदशर्न गरिएको छ । प्रसाईको महाअभियानको सिन्धुली शाखाले मदनभण्डारी राजमार्ग अवरुद्ध गरी प्रदशर्न गरेको हो ।
प्रधानमन्त्री केपी ओलीले प्रसाईलाई पक्राउ पुर्जी जारी गरेको र उक्त पक्राउ पुर्जी फिर्ता गर्नुपर्ने भन्दै आज उनीहरुले मदनभण्डारी राजमार्गमा प्रदशर्न गरेका हुन् । उनीहरुले सडकमै सुतेर प्रदशर्न गरेका थिए ।
अभियानले यहि १० गते दुधौलीमा प्रसाईको प्रमुख आतिथ्यतामा वृहत सभा गर्ने तयारी गरेको केन्द्रीय अभियन्ता विजय थापाले बताउनुभयो । कार्यक्रमलाई सम्बोधन गर्दै थापाले प्रसाई भुईमान्छेहरुको लागि अभियानमा लागेकाले सवैले साथ दिनुपर्ने वताउनुभयो । उनीहरुले प्रधानमन्त्री ओली विरुद्ध चर्को नाराबाजी गरेका थिए ।
