जनता भ्वाइस 
कटारी / अर्थमन्त्री वर्षमान पुनले हिजो सार्वजनिक गर्नुभएको बजेटमा सिरहाको मिर्चैयादेखि कटारी , घुर्मी सडकखण्डलाई १ अर्व ५ करोड छुट्याईएको छ । यस बजेट यस सडकखण्ड स्तरउन्नतीका लागि आशा गर्न लायक रहेको बताईएको छ ।
यस सडकखण्ड जीर्ण हुँदा आउजाउमा नै समस्या छ । यस क्षेत्रको विकासको मेरुदण्डको रुपमा रहेको यस सडकखण्डमा बजेट नपरेका कारण स्तरउन्नती हुन सकेको छैन् । यस सडकखण्डको स्तरउन्नतीका लागि बजेट पार्नुपर्ने भन्दै उदयपुर उद्योग वाणिज्य संघले समेत दबाव दिंदै आएको थियो ।
आज बजेट परेको सुन्नमा आएपनि यो बजेट बहुवर्षिय हो वा मर्मतका लागि मात्रै हो यस विषयमा पूर्ण जानकारी लिन बाँकी रहेको संघका अयक्ष जमानसिंह वस्नेतले बताउनुभयो । हिजोको वजेट भाषणमा भने बजेट परेको वारे नखुलाईएको पनि अध्यक्ष वस्नेतले बताउनुभयो ।
नयाँ आर्थिक वर्षका लागि १८ खर्ब ६० अर्ब ३० करोड रुपैयाँको बजेट पेस गर्नुभएको थियो ।
आगामी साउन १ गतेदेखि सुरु हुने आर्थिक वर्ष २०८१/८२ का लागि सरकारको आर्थिक योजना बजेट सङ्घीय संसद्को संयुक्त बैठकमा मङ्गलवार पेस भएको हो। नयाँ बजेट गत आर्थिक वर्षको भन्दा ६.२ प्रतिशतले बढी हो। संशोधित अनुमानभन्दा यो २१ प्रतिशतले बढी हो।
