कटारीमा ट्रिपरको ठक्करबाट एकयुवाको मृत्यु

कटारी /कटारी नगरपालिका वडा नम्बर ४ को चिम्टाघारीमा ट्रिपरको ठक्करबाट एक युवाको घटनास्थलमै मृत्यु भएको छ । आज मध्यान्ह ककरुखोलापुल देखि उत्तर तर्पm चुनढुंगा ढुवानीका लागि जाँदै गरेको प्र २०१००१ ख ००७८ नम्बरको ट्रिपरले ठक्कर दिंदा साईकल यात्री सिन्धुलीको दुधौली नगरपालिका वडा नम्बर १४ का २१ वर्षिय ज्ञानबहादुर परियारको घटनास्थलमै मृत्यु भएको हो ।
ईलाका प्रहरी कार्यालय कटारीका प्रमुख प्रहरी नायब उपरीक्षक सुभाष राईका अनुसार ठक्कर दिने ट्रिपर चालक कटारी नगरपालिका वडा नम्बर ७ का २४ वर्षिय गर्जमान तामाङ्गलाई प्रहरीले नियन्त्रणमा लिएरु कार्यालयमा राखेको छ । घटनास्थलमा स्थानीयको विरोधका कारण साँझ सम्म शव उठाउन बाँकी छ । आक्रोशित स्थानीयले ट्रिपर समेत घटनास्थलमै रोकेर राखेका छन् ।