निर्देशनसँगै मोडलिङ्मा जम्दै कृष्ण पौडेल

लामो समय निर्देशकमा जमेका कृष्ण पौडेल निर्देशनसँगै मोडलिङ्मा पनि जम्दै गएका छन् । पछिल्लो समय गायक हिमाल सागर र गायिका अन्नु चौधरीको स्वरमा रहेको नयाँ गीतको भिडियोमा पौडेलले मोडलिङ् गरेका छन् ।
‘पुर्णिमाको जुन झैं’ बोलको गीतमा बिशाल निरौलाको संगीत र दाहाल सन्तोसको शब्द रचना रहेको छ।
रोमान्टिक गीतको भिडियोको निर्देशन र सम्पादन युवराज खत्रीले गरेका हुन्। सुरेश काफ्लेको छायाँकन रहेको भिडियोमा इन्दु दनुवार र कृष्ण पौडल फिचर्ड छन्।
भिडियो तारा सितारा प्रोडक्सनको अफिसियल च्यानल मार्फत सार्वजनिक गरिएको छ।पौडेलले यसअघि पनि थुप्रै गीतहरुमा मोडलिङ् गरेका छन् । लामो समयदेखि निर्देशनमा व्यस्त पौडेल मोडलिङमा जम्दै गएका छन् । निर्देशनको अनुभव भएकाले गीतहरुमा फिचर्ड गर्न आफुलाई सजिलो रहेको पौडेल बताउँछन् ।
कटारी स्थायी घर भएका पौडेल लामो समयदेखि राजधानीमा निर्देशन गर्दै आएका छन् । चर्चित कलाकारहरुको गीतको भिडियोहरुमा पौडेलको निर्देशन हुने गरेको छ । पौडेल व्यस्त निर्देशकमा रुपमा विभिन्न गीतहरुमा काम गर्दै आईरहेका छन् ।