काठमाडौं– भैरहवामा रहेकाे युनिभर्सल कलेज अफ मेडिकल साइन्सेजले विद्यार्थीसँग लिएको बढी शुल्क फिर्ताको प्रक्रिया आज ( आइबार) देखि शुरु गरेको छ ।
कलेज सञ्चालक र आन्दोलनरत विद्यार्थीसँग हिजो (शनिबार) राति भएको वार्ता पछि कलेजले विद्यार्थीहरुको शुल्क फिर्ताको प्रक्रिया शुरु गरेको हो ।
कलेजले वार्ता गरेर शुल्क फिर्ताको प्रक्रिया थालेपछि आन्दोलनरत विद्यार्थीहरुले कलेज प्रशासनमा लगाएको ताला पनि खुलाएका छन् ।
शुल्कको विषयमा लामो समयदेखि विद्यार्थी र कलेज सञ्चालकबीच शिक्षा विज्ञान तथा प्रविधिमन्त्री गिरिराजमणि पोखरेलका स्वकीय सचिव पुरन केसी सहितको सहभागितामा वार्ता भएको थियो ।
शनिबार राती भएको वार्तामा कलेज सञ्चालक र आन्दोलनरत विद्यार्थीबीच ६ बुदे सहमति भएको छ । सहमति पत्रमा कलेजको तर्फबाट पिएस अजय कुमार, बिएन सन्तोष कुमार र आन्दोलनरत विद्यार्थीको तर्फबाट १५ जना विद्यार्थीले हस्ताक्षर गरेका छन् ।
वार्षिक परीक्षा बहिष्कार
शनिबार भएको वार्तामा शुल्क फिर्ताको विषयमा सहमति भएपनि एमबीबीएस र बिडिएसको प्रथम वर्षको परीक्षामा भने विद्यार्थीहरु सहभागि भएका छैनन् ।
युनिभर्सल कलेजका एमबीबीएसका एक विद्यार्थीका अनुसार रेगुरल तर्फका विद्यार्थी एक सय जना र बिडिएसका ४० जना विद्यार्थीले वार्षिक परीक्षा बहिष्कार गरेका हुन् ।
‘मन्त्रालयकै व्यक्ति पनि आएर कलेज सञ्चालक र हामीबीच वार्ता भयो शुल्क फिर्ता गर्ने भनेर, हामीले वार्तामा सहमति जनाएर कलेजमा लगाएको ताला खुलायौं,’ एमबीबीएसका एक विद्यार्थीले भने, ‘तर हामीले एमबीबीएस बिडिएसको परीक्षा भने बहिष्कार गरेको हो । शुल्क फिर्ता गर्ने सहमित भएपनि यो पटकको परीक्षा दिएका छैनौं ।’
यस्तो छ सहमति
युनिभर्सल कलेज अफ मेडिकल साइन्सेजका आन्दोलरत बिद्यार्थी र कलेज सञ्चालकबीच भएको सहमतिकाे पत्रयुनिभर्सल कलेज अफ मेडिकल साइन्सेजका आन्दोलरत बिद्यार्थी र कलेज सञ्चालकबीच भएको सहमति पत्र
जनता भ्वाइस 
