जनता भ्वाइस पोखरा माटेपानीस्थित केसी क्याटरिङमा भइरहेको भारोत्तोलन अन्तर्गतका सबै खेल आइतबार सकिँदैछन् र, खेल समापनसँगै उनले पनि सन्यासको घोषणा गर्ने भएका छन् ।
भारोत्तोलनमा नेपाललाई स्वर्ण दिलाउने कमल एक्ला खेलाडी हुन् । २०१० मा उनको प्रदर्शन खराब रह्यो भने २०१६ को १२ औं सागमा उनले भाग लिएका थिएनन् ।
नेपालमा जारी १३ औं सागको उदघाटन समारोहमा नेपाली खेलाडीहरुको नेतृत्व गर्दै कमलबहादुरले नेपालको राष्ट्रिय झण्डा बोकेका थिए ।
नेपाल ओलम्पिक कमिटीले अन्तर्राष्ट्रिय अनुभव, पदक र ओलम्पिक सहभागिताका आधारमा कमललाई झण्डा बोक्न दिने निर्णय गरेको थियो ।
