जनता भ्वाइस तातो चिया, पानी वा खानेकुरा खाँदा जिब्रो पोल्ने समस्यामा पर्नु सामान्य कुरा हो ।
धेरैले हतारहतारमा तातो खानेकुरा वा पेय पदार्थ खाँदा जिब्रो पोल्ने समस्या भोगेका हुन्छन् ।
यदी जिब्रो पोल्यो भने के गर्ने कसो गर्ने चिकित्सककहाँ जाने वा नजाने द्विविधामा पर्नु भएको छ भने यसको घरमै पनि उपचार गर्न सकिन्छ ।
त्यसका लागि यी हुन् घरायसी उपाय
१ . बेकिङ सोडा : बेकिङ सोडाले पोलेको बेला हुने एसिडिटीलाई कम गर्छ । त्यसकारण जिब्रो पोल्नासाथ बेकिङ सोडापानीले मुख कुल्ला गर्नु पर्छ जसले पोलेको दुखाई कम गर्न मद्दत गर्छ ।
२. आइस क्युब : यदि जिब्रो पोल्यो भने आइस क्युबलाई झोल बनाएर मुखमा लगाएर केही बेर चुस्ने गर्नुपर्छ ।
३. चुइगम : चुइगम खाँदा पनि पोलेको जिब्रोलाई चिसो बनाउन मद्दत गर्छ । यसले मुखमा थुक बनाउने काम गर्छ । मुखमा थुक बन्ने क्रम निरन्तर रहँदा पोल्न कम हुन थाल्छ ।
४. दही : जिब्रो पोलेमा एक चम्चा दही मुखमा केही समय राख्ने । यसले चिसो प्रादन गर्नुका साथै आराम पनि दिन्छ ।
५. मह : एक चम्चा मह जिब्रोमा राख्ने । यसले पोलेको जिब्रोमा दुखाई कम गर्न मद्दत गर्छ ।
६. घ्यूकुमारी : घ्यूकुमारी एक प्राकृतिक जडिबुटि हो, जसले जुनसुकै जलेको ठाउँमा पनि पीडा कम गराउन मद्दत गर्छ । यसलाई जिब्रोमा आइस क्युबसँग मिलाएर लगाउँदा पनि फाइदाजनक हुन्छ ।
