जनता भ्वाइस काठमाडौं – नायिका ऋचा शर्माले बिहेको मिति सार्वजनिक गर्दै नोट शेयर गरेकी छिन् । उनले डिसेम्बर ७ अर्थात् यही मंसिर २१ गते बिहे गर्ने जानकारी गराएकी छिन् ।
राजधानीको लबिम मलका म्यानेजर दिपेक्क्ष विक्रम राणासँग ऋचा लामो समयदेखि प्रेममा थिइन् । यी दुईले आफ्नो प्रेमलाई बिहेमा परिणत गर्न लागेका हुन् ।
शुरुमा प्रेमबारे नखुले पनि पछि भने ऋचाले यसै वर्ष बिहे गर्ने बताएकी थिइन् । उनले मंगलवार (आज) भने बिहेको मिति घोषणा गर्दै शुभेच्छुकलाई धन्यवाद र आफूहरुलाई बधाई दिएकी छिन् ।
केही समयअघि ऋचाले पोखरा पुगेर आफ्ना साथीहरुलाई ब्याचलर पार्टी दिएकी थिइन् । उनको पार्टीमा केकी अधिकारी, प्रियंका कार्की लगायत सहभागी थिए ।
ऋचा पछिल्लो समय फिल्मबाट केही पर छिन् । उनी यतिबेला प्रसारण भइरहेको रियालिटी शो ‘कमेडी च्याम्पियन’ मा निर्णायकको भूमिकामा छिन् । पछिल्लो समय उनी फिल्म निर्माणमा पनि सक्रिय छिन् ।
