‘अब आउने हेलिकोप्टर केही साना हुनेछन् । सिट क्षमता पाइलट र ४ जनाको मात्र हुनेछ । तर यो नेपालभित्र नेपालीकै आकस्मिक उद्दारमा फलदायी हुने अपेक्षा गरेका छौं,’ थापाले भने । धेरै सिट क्षमताको हेलिकोप्टरभन्दा साना हेलिकोप्टरको भाडा सस्तो पर्ने र अर्कोतर्फ बिरामी राख्न सजिलो हुने गरी यी हेलिकोप्टरको डिजाइन गरिएको उनले जानकारी दिए ।
भ्रमण वर्ष सुरु हुने महिनामै नेपाल ल्याउन लागिएका यी हेलिकोप्टर पर्यटकको सेवा र सुविधामा समेत उपयोग हुने कम्पनीको विश्वास छ । यस्तो मोडलको हेलिकोप्टरको बजार मूल्य औसत १६/१७ करोड रुपैयाँ पर्ने उनले जानकारी दिए । कम्पनीले अहिले ५ वटा हेलिकोप्टरबाट सेवा दिइरहेको छ । सिम्रिकसँग एयरबसका हेलिकोप्टर रहेका छन् । नेपालमा १ दर्जन कम्पनीका ३० भन्दा बढी हेलिकोप्टर उडिरहेका छन् ।