जनता भ्वाइस ‘टुँडिखेल खुला गराउन महानगरले नै नेतृत्व लिनुपर्छ, यसकारण आज हामी मेयर सा’बको ध्यानाकर्षण गराउछौं’ उनले भने, ‘खुलामञ्चको अनुगमन गरी तत्कालै खुला गरेर मध्यकालीन तथा दीर्घकालीन योजनाका साथ अघि बढ्न आग्रह गर्नेछौं ।’
अभियान तीन साताअघि सुरु भएको थियो । कात्तिक २३ गते पहिलो चरणको विरोधस्वरुप मानव साङ्लो बनाएर टुँडिखेल संरक्षणको सन्देश दिइएको थियो । गत शनिबार भने साहित्यिक जमघट गरेर विरोध जनाइएको थियो ।
अव्यवस्थित पार्किङ, अनाधिकृत बसपार्क, पसलहरु सञ्चालन गरेर टुँडिखेल मासिदै गएपछि भन्दै सम्पदाप्रेमीहरुले गत कात्तिकदेखि अकुपाई टुँडिखेल अभियान चलाउँदै आएका छन् ।
