जनता भ्वाइस कपिलवस्तु – कृष्णनगर नगरपालिका-२ बसपार्कबाट करिब १३ ग्राम १ मिलिग्राम बराबरको ४ सय ३२ पुरिया ब्राउन सुगर सहित ४ जनालाई आइतबार साँझ प्रहरीले पक्राउ गरेको छ । पक्राउ पर्नेमा सोही ठाउँस्थित बाणगंगा नगरपालिका-७ बस्ने १८ वर्षीय प्रदेसी थारु, ३१ वर्षीय सन्दिप भुषाल, २६ वर्षीय राजु थारु र अर्घाखाँची सितगंगा नगरपालिका-९ बस्ने १८ वर्षीय उदय सुनार रहेका छन् ।
सोही ठाउँस्थित ईलाका प्रहरी कार्यालय कृष्णनगरबाट खटिएको प्रहरीले भारतबाट नेपालतर्फ आउँदै गरेका उनीहरुलाई जाँच गर्ने क्रममा चारै जनाको साथमा उक्त ब्राउनसुगर तथा संदिप भुषालको साथबाट नाइट्राभेट २७ ट्याब्लेट र स्पास्मो जस्तो देखिने निलो ३ क्याप्शुल सहित प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
