जनता भ्वाइस (एजेन्सी) काठमाण्डौ जेठ २३, विश्वकप फुटबलमा सहभागी हुन इरानी टिम आज रुस पुगेको छ । इरान विश्वकपमा सहभागीताको लागी सबैभन्दा पहिला रुस पुगेको हो । इरानी टिमलाई भुनुको एयरपोर्टमा भव्य स्वागत गरिएको थियो । समूह ‘बी’ मा रहेको इरानले जुन १५ तारिखमा पहिलो खेल मोरक्कोसँग खेल्ने छ । इरानको समूहमा पूर्व विश्व विजेता स्पेन, युरोपियन च्याम्पियन पोर्चुगल र मोरक्को रहेका छन् ।
रुस पुगेपछि इरानी फुटबल टिमका म्यानेजर कार्लोस कुइरोजले भने, ‘हामी लामो प्रयास पछि विश्वकप खेल्दैछौँं । यहाँ सम्म आइपुग्न धेरै महेनत गरेकाले विश्कपको हकदार हामी पनि छौँ ।’ म्यानेजर कार्लोसले भने ‘हामी विश्वका अरु सर्वश्रेष्ठ टिमसँग विश्वकपको सदस्य हुन चाहन्छौँ ।
