जनता भ्वाइस कपिलवस्तु जितपुर बैशाख ३१,नेपाल तरुण दल केन्द्रिय कार्यालयले सम्पुर्ण जिल्लाहरुमा सरकुलर जारी गरी युवाहरुलाई प्रशिक्षण दिई दक्ष जनशक्ति उत्पादन गर्ने उदेश्यका साथ बिभिन्न कार्यक्रहरुको आयोजना गर्ने भएको छ ।
आगामी जेष्ठ ५ गते जिल्ला समितिहरुले जिल्ला स्तरिय प्रशिक्षण गर्ने । जेष्ठ १२ गते सम्पुर्ण महानगरपालिका,उप-महानगरपालिका र गाउँपालिकाहरुमा तरुण प्रशिक्षण कार्यक्रम गर्ने र १९ गते सम्पुर्ण वडाहरुमा प्रशिक्षण कार्यक्रम गर्ने तय गरेको छ । सोही बमोजिम नेपाल तरुण दल कपिलबस्तुले बुद्धभुमी नगरपालिका स्थित गोरुसिंङ्गेमा जेष्ठ ५ गते कपिलवस्तुका युवाहरुलाई प्रशिक्षण दिने कार्यक्रम रहेको तय भएको छ । नेपाली काग्रेसका युवा नेता तथा पुर्व स्वास्थ्य मन्त्री गगन थापाले उदघाटन गर्ने कार्यक्रम रहेको तरुण दल कपिलवस्तुका अध्यक्ष तथा युवा समाज सेवी शक्ति सिंह ठकुरीले ई-बुद्ध खबरलाई जानकारी गराउनु भएको छ ।
