जनता भ्वाइस काठमाण्डौ फाल्गुन २६,कमेडियन कपिल शर्मा लामो समय सानो पर्दाबाट हराएपछि पुनः सानो पर्दामा फर्किंदैछन् । उनले अब सोनी टिभीमार्फत ‘फ्यामिली टाइम विथ कपिल शर्मा’ ल्याउँदैछन् । सुनिल ग्रोवरसँग झगडा, लगत्तै आफ्नै स्वास्थ्य र त्यसपछि आफ्नो फिल्म फिरंगीको रिलिजका कारण कपिल टिभीबाट केही समयका लागि टाढा भएका थिए । कपिलको शो २५ मार्चदेखि सुरु हुनेछ । यो शो अहिले सोनी टिभीमा आइरहेको ‘सुपर डान्सर २’को ठाउँमा आउनेछ । प्रोमो हेर्दा शोमा न त दर्शक बोलाइनेछन् न जुनियर आर्टिस्ट । नयाँ शोको लागि कपिल निकै हौसिएको बताइएको छ ।
