जनता भ्वाइस नियोन (एजेन्सी), फाल्गुण, १२:- युएफा युरोपा लिगको अन्तिम १६ को ड्र आज सार्वजनिक भएको छ । ८ खेलमध्ये सबैभन्दा रोमाञ्चक पूर्व च्याम्पियन्स लिग उपविजेता आर्सनल र ७ पटकको च्याम्पियन्स लिग विजेता एसी मिलानको भिडन्तलाई लिइएको छ ।
गए राति स्वीडिस क्लब ओस्टरसन्डसँग २-१ ले पराजित भए पनि आर्सनल युरोपा लिगको अन्तिम १६ मा अग्रिगेटमा प्रवेश गरेको हो । त्यस्तै एसी मिलानले भने लुडोजोरेट्सलाई गए राति १-० ले पराजित गर्दै अन्तिम १६ मा स्थान पक्का गरेको थियो ।
सन् २०१२ मा आर्सनल र एसी मिलान च्याम्पियन्स लिगको अन्तिम १६ मा भिडेका थिए जसमा मिलानले ४-३ को रोमाञ्चक जित दर्ता गरेको थियो । आर्सनल त्यस खेलको बदला लिने होडमा हुने छ ।
त्यस्तै २०१३ को च्याम्पियन्स लिग उपविजेता तथा २००२ को युरोपा लिग विजेता बोरुसिया डोर्टमण्डले अष्ट्रियन च्याम्पियन रेडबुल साल्जबर्गको सामना गर्ने छ ।
२०१० र २०१२ को युरोपा विजेता एट्लेटिको म्याड्रिडले लोकोमोटिभ मस्कोको सामना गर्ने छ भने २००८ को विजेता जेनिट सेन्ट पिटर्सबर्गले आरबी लेपजिगको सामना गर्ने छ ।
