जनता भ्वाइस काठमाडौँ, ९ फागुन, गायक सन्तोष रुचाल निक्कै मर्मस्पर्शी गीत लिएर आएका छन् । प्रेमपछिको विछोडको कल्पना गरी ‘तिमी पराई भयौ भने म बाँच्न सकौँला र प्रिये…’ बोलको गीत सार्वजनिक गरेका हुन् । उनले गीत मार्फत सम्भावित खतराको कल्पना गरेका छन् । प्रेमपछिको विछोड निक्कै दर्दपूर्ण रहने भन्दै गायक रुचालले आफ्नी प्रेमीकालाई त्यसो नगर्न पनि आग्रह गरेका छन् ।
सन्तोष रुचालको एकल स्वर रहेको यो गीतको संगीत पनि उनैले गरेका हुन् भने शब्द इन्द्रमणि गैरेले लेखेका हुन् ।
यो गीतको म्यूजिक भिडियोलाई राजेन्द्रकुमार थापाले निर्देशन गरेका छन् । राजेश र भविन्द्रले खिचेका भिडियोका दृश्यहरुलाई राजेन्द्रकुमार थापाले सम्पादन गरेका छन् ।
यो गीतको म्यूजिक भिडियो हेर्नुहोस्
