जनता भ्वाइस काठमाडौं , फाल्गुण ७:- चलचित्र ‘कान्छी’ ले शनिबार दर्शकको राम्रो साथ पाएको छ । शनिबार चलचित्र देशैभर हाउसफूल भएको छ । शुक्रबार ८० प्रतिशत अकुपेन्सी रहेको कान्छीले शनिबार भने शतप्रतिशत अकुपेन्सी कायम राख्न सफल भएको छ । दर्शकको साथमा पुगेर चलचित्रका कलाकारले धन्यवाद दिएका छन्। गोपीकृष्ण हलमा दर्शकको भिडलाई सम्बोधन गर्न श्वेता, दयाहाङ राई, निर्देशक आकाश अधिकारी, नायक प्रज्वल सुजल गिरीले साथ र मायाको लागि धन्यवाद दिएका छन् ।
दर्शकले श्वेता र दयासँग सेल्फी खिचेका थिए । चावाहिलको गोपिकृष्णमा हलमा कान्छीको टिकट सकिएपछि दर्जनौं दर्शक हल बाहिर बस्न बाध्य भए करिब ८० हलमा लागेको कान्छी हेर्न विशेषतः पारिवारिक दर्शकको संख्या बढी देखिएका छन् ।
श्वेताले दर्शकले दिनुभएको माया र साथको कारणले आफु खुशी रहेको बताएकी छन् । उनले दर्शकले दिनु भएको मायाले म निकै खुशी छु।
चलचित्रका निर्माताको रुपमा शैलेश खड्का र रविन खड्का रहेका छन् । यम थापाको लेखन रहेको चलचित्रमा दया, श्वेता र प्रज्वलसँगै नीर शाह, अनु शाह, कामेश्वर चौरसिया, आशान्त शर्मा, विनोद न्यौपाने लगायत कलाकारहरको अभिनय छ ।
