जनता भ्वाइस काठमाण्डौ माघ १०, नेपाली राष्ट्रिय टोलीका गोलरक्षक (गोलकिपर) किरण चेम्जोङ भारतको चर्चित आई लिगमा अनुबन्धित भएका छन् । किरणले मंगलबार आई लिगको शीर्ष टोली मिनर्वा पन्जाव फुटबल क्लबसँग अनुबन्ध गरेका हुन् । किरणले मिनर्वासँग यो सिजनको बाँकी खेलका लागि अनुबन्ध गरेको मिनर्वाले ट्विट मार्फत सार्वजनिक गरेको छ । क्लबले किरणले पाउने तलब र सुविधाका विषयमा भने खुलाएको छैन ।
नेपालको घरेलु लिग पछिल्लो तीन वर्षदेखि ठप्प भएका कारण किरणले अघिल्लो सिजन माल्दिभ्सको टीसी स्पोर्टस्बाट व्यावसायिक फुटबल खेलेका थिए ।
