जनता भ्वाइस काठमाडौँ माघ ६, नेपाली राष्ट्रिय क्रिकेट टोलीका कप्तान पारस खड्का शुक्रबार ‘प्रथम मदन भण्डारी क्रिकेट सम्मान’ बाट सम्मानित भएका छन् । कीर्तिपुर स्थित त्रिवि मैदानमा मदन भण्डारी स्पोर्ट्स एकेडेमीको क्रिकेट विभागद्धारा आयोजित प्रथम क्रिकेट महोत्सवमा पारस राष्ट्रपति विद्यादेवी भण्डारीबाट सम्मानित भए । कप्तान पारस २५ हजार रुपैयाँसहित सम्मानित भएका हुन ।
नेपाली क्रिकेटमा विशेष योगदान दिने व्यक्तित्वलाई प्रदान गरिने यस सम्मान वार्षिक रूपमा दिइने एकेडेमीका अध्यक्ष विनोद श्रेष्ठले जानकारी गराए । दुई दिने क्रिकेट महोत्सवमा क्रिकेट सम्बन्धी विभिन्न कार्यक्रम आयोजना गरिएको छ । राष्ट्रपतिबाट उद्घाटन गरिएको महोत्सवको पहिलो दिन राजनीतिक व्यक्तित्व, कलाकार, पत्रकार, पूर्व राष्ट्रिय एवं वर्तमान राष्ट्रिय खेलाडी सम्मिलित टोलीले मैत्री खेल खेले । यस बाहेक नेपाली क्रिकेटको ऐतिहासिक तस्बिर सहित फोटो प्रदर्शनी, क्रिकेट एकेडेमी लगायत खेल पोसाक खरिद गर्ने विभिन्न स्टलहरू राखिएको थियो ।
kantipur
