जनता भ्वाइस 
तस्बिर : बीबीसी
२०७४ वैशाख २९– युरोपा लिगको फाइनल म्यानचेस्टर युनाइटेड र एजाक्सबीच हुने भएको छ । अब फाइनल मे २४ मा स्टकहोममा हुनेछ र त्यसको विजेता युरोपेली च्याम्पियन्स लिगका लागि छनोट हुनेछ ।
बिहीबार राति ओल्ड ट्रायफोर्डमा भएको सेमिफाइनल दोस्रो लेगको खेलमा म्यानचेस्टर र सेल्टा भिगोले १–१ बराबरी खेले । त्यसमा म्यानचेस्टरका लागि मउरोने फिलानी र स्पेनी क्लबका लागि फकुन्डो रोन्चागिलले गोल गरे ।
यस नतिजापछि जोसे मोउरिन्होको म्यानचेस्टर समग्रमा २–१ को अग्रता लिन सफल रह्यो । अर्को सेमिफाइनल दोस्रो लेगको खेलमा लियोनले एजाक्सलाई ३–१ ले हराएपनि त्यो फ्रान्सेली टिमका लागि पर्याप्त रहेन ।
एजाक्सले समग्रमा ५–४ को अग्रता लिन सफल रह्यो । पहिलो लेगमा एजाक्स ४–१ ले विजयी रहेको थियो । सन् १९९६ यता एजाक्स पहिलो पल्ट युरोपेली क्लब फुटबलको फाइनल खेल्दैछ ।
