जनता भ्वाइस २०७३ चैत्र २८-सोलुखुम्बुको पासाङ ल्हामु गाउँपालिका २ मा सोमबार बिहान फोटो खिच्ने क्रममा लडेर एक विदेशी नागरिकको मृत्यु भएको छ ।
पूर्व क्षेत्रीय प्रहरी कार्यालय रानी विराटनगरका अनुसार लुक्लास्थित लुक्ला आधारभुत विद्यालयमा अभिभावक दिवस तथा परीक्षाफल कार्यक्रममा सहभागी भएका स्वीटजरल्याण्डका ७२ वर्षीय ज्याक्युसन एरिक मोर्जाएरको फोटो खिच्ने क्रममा लडेर मृत्यु भएको हो ।
लडेर टाउकोमा चोट लागी बेहोस भएका मोर्जाएरको पासाङ ल्हामु निकोल निकी अस्पताल लुक्लामा उपचारका क्रममा मृत्यु भएको प्रहरीले जनायो । प्रहरीका अनुसार मोर्जाएर लुक्ला आधारभुत विद्यालयलाई सहयोग गर्ने दाता थिए ।
