जनता भ्वाइस उपप्रधानमन्त्री थापा निर्वाचन आयोगविरुद्ध धर्नामा
निर्वाचन आयोगले राप्रपाको विधानबाट राजसंस्था र हिन्दू धर्म शब्द हटाएको विरोधमा सरकारका उपप्रधानमन्त्री कमल थापासहित राप्रपाका वरिष्ठ नेता पशुपती शम्सेर राणा लगायतका नेताहरु बहादुर भवनस्थित निर्वाचन कार्यालय अगाडि धर्नामा
चैत्र ७, २०७३– निर्वाचन आयोगले राप्रपाको विधानबाट राजसंस्था र हिन्दू धर्म शब्द हटाएको विरोधमा सरकारका उपप्रधानमन्त्री कमल थापा बहादुर भवनस्थित निर्वाचन कार्यालय अगाडि धर्नामा बसेका छन् ।
आज भएको प्रदर्शनमा प्रहरीले राप्रपा कार्यकर्ताविरुद्ध लाठीचार्ज र अश्रुग्याँस प्रहार गरेपछि उपप्रधानमन्त्री थापा धर्नामा पुगेका हुन् । राप्रपा नेता मोहन श्रेष्ठका अनुसार केहीबेर अघिदेखि उपप्रधानमन्त्री थापा धर्नामा सहभागी छन् ।
पुष्पकमल दाहाल नेतृत्वको सरकारमा चारमन्त्री र राज्यमन्त्रीसहित राप्रपा सहभागी छ ।
