जनता भ्वाइस पोखरा चैत ५,कास्कीमा चितुवा बाघको छाला र भरुवा बन्दुक सहित २ जना पक्राउ परेका छन् ।
कास्की जिल्लाको माछापुच्छे गाउपालिका बडा नं २ बस्ने गम बहादुर गुरुङ र चन्द्र बहादुर पौडेललाई सोमबार राति करिब ११ बजे बाघको छाला र भरुवा बन्दुक सहित पक्राउ गरेको कास्की प्रहरीले जनाएको हो। गुरुङको घरमा अबैध रुपमा हातहतियार र चितुवाको छाला लुकाएर राखेको भन्ने सुचनाको आधारमा खोजतलास गर्ने क्रममा उनिहरु पक्राउ गरिएको कास्की प्रहरी प्रमुख एसपी अशोक सिंहले बताएका छन् ।
अबैध हातहतियार र चितुवाको छाला लुकाएर राखेको सुचनाको आधारमा सार्दीखोला प्रहरी चौकीबाट प्रहरी टोली खटाई शंकित व्यक्तिको घरमा खानतलासि गरेका हौ । खानतलासि गर्दा एक थान चितुवाको छाला र एक थान भरुवा बन्दुक संगै २७ थान बन्दुकमा लाग्ने छर्रा र खालि खोका सहित गुरुङलाई नियन्त्रणमा लिएका हौ । एसपि सिंहले जानकारी गराए ।
गुरुङलाई नियन्त्रणमा लिई सोधपुछ गर्ने क्रममा चन्द्र बहादुर पौडेलले चितुवा मारी त्यसको छाला गुरुङलाई राख्न दिएको भन्ने बयानबाट खुलेपछी पौडेललाई नियन्त्रणमा लिइएको एसपी सिंहले जानकारी दिए । घटना सम्वन्धमा थप अनुसन्धान भैरहेको प्रहरीले जनाएको छ ।
