जनता भ्वाइस 
कटारी \दनुवार जागरण समिति उदयपुर जिल्लाको दोस्रो अधिवेशनले कृष्णराज दनुवारको अध्यक्षतामा १५ सदस्यीय नयाँ समिति चयन गरेको छ। प्रमुख अतिथि कोशी प्रदेश उपसभामुख सृजना दनुवार र विशिष्ट अतिथि दनुवार जागरण केन्द्रीय समितिका अध्यक्ष रामकुमार सिंह दनुवार रहेको जिल्ला भेलाले सर्वसम्मत नेतृत्व चयन गरेको हो ।
प्रमुख अतिथी सृजना दनुवारले दनुवार समुदायको एकता र साझा पहिचानको महत्त्वमा जोड दिँदै, हरेक क्षेत्रमा समुदायको प्रगति र समृद्धिका लागि एकजुट भएर अघि बढ्नुपर्ने आवश्यकता औंल्याउनु भयो । उहा्ँले विविधतालाई एकतामा परिणत गर्न दनुवार जागरण समाजको भूमिका महत्वपूर्ण रहेको बताउनु भयो
नव निर्वाचित अध्यक्ष कृष्णराज दनुवारले दनुवार जातिको हक र अधिकारको संरक्षणका लागि प्रतिबद्धता व्यक्त गर्दै, जातीय संस्कार र संस्कृति जोगाउनका लागि समितिले सक्रिय भूमिका खेल्ने बताउनु भयो । उहा्ँलेआगामी समितिको कार्यकाललाई प्रभावकारी र परिणाममुखी बनाउन सबैको सहकार्यको अपेक्षा रहेको बताउनु भयो ।
यस अधिवेशनले दनुवार समुदायको सामाजिक, सांस्कृतिक र राजनीतिक उत्थानमा नयाँ दिशा र ऊर्जा थप्ने विश्वास व्यक्त गरिएको छ।
