जनता भ्वाइस 
कटारी / हिपपप गीत संगीतको रियालिटी शो नेपहपको श्रीपेजको सिजन २ मा कटारी वडा नम्बर ५ का अरुण पुवार मगर उत्कृष्ट ५ अर्थात फाईनलमा प्रवेश गरेका छन् । शोको पहिलो सिजनमा काठमाडौंका मेयर बालेन साह समेत निर्णायक हुनुहुन्थ्यो । साह निर्णायक भएकै समयमा महानगरको मेयरमा निर्वाचित हुनुभएको थियो ।
पहिलो सिजनको उपाधि र्यापर साईमनले जित्नुभएको थियो । बज्राचार्य समुदायको मुकुट रियालिटी शो मा उपाधि दिईएको भन्दै विवादित भएपछी वालेनले मुकुट नै फिर्ता गर्नुभएको थियो । सोही रियालिटी शोको सिजन २ मा चर्चा कमाउँदै कटारीका अरुण फाईनलमा पुग्नुभएको हो ।
फाईनलमा पुग्नुभएका अरुणलाई आज गृह वडाका वडाध्यक्ष मोहन तामाङ्गले वडा कार्यालयको आयोजनामा शुभकामना तथा वधाई कार्यक्रम आयोजना गर्दै सम्मान गर्नुभयो । वडा कार्यालय परिवारले नगद ३० हजार सहित सम्मान गरेको हो । साथमा वडाध्यक्ष तामाङ्गले नगद ५ हजार पनि सहयोग गर्नुभएको थियो ।
मगरको गीतहरु वालेन कै शैलीमा उत्कृष्ट र चर्चित छन् । अहिले मगरले कटारी बजार आसपास कार्यक्रमहरु आयोजना गरी जिताउन अभियान चलाईएको छ । पूर्व क्षेत्रकै प्रतिनिधित्व गरिरहेका मगरसँगै श्रीपेजको उपाधिका लागि निशान राना मगर एनएम पोखरा , अर्जुन गर्तौला योङ्ग वेभ धादिंङ्ग , समिर पौडेल रिच समर भक्तपुर र मन्जु स्याँङ्गतान मन्जु बौद्ध प्रतिष्पर्धामा छन् । अहिले उपाधिका लागि भोटिङ्ग चलिरहेकोले छिट्टै भोट गरी जिताउन मगरले आग्रह गर्नुभएको छ ।
मगरलाई भोट गर्न मोबाईलको प्लेस्टोरमा गएर ओएसआर कनेक्ट एप डाउनलोड गरी त्यहाँ रहेको नेपहपको श्रीपेजमा गएर गर्न सकिन्छ । त्यसैगरी क्रोममा डब्लुडब्लुडटओएसआरकनेक्ट डटकममा सर्च गरेर कन्स्टेड नम्बर ३३ को कोडमा पनि भोट गर्न सकिन्छ ।
