जनता भ्वाइस 
कटारी / विभिन्न विद्यालयहरुका विद्यार्थीहरुलाई पोशाक तथा विद्यालयहरुलाई सामाग्रीहरु सहयोग गर्दै आउनुभएका कटारी ४ का समाजसेवी खर्कबहादुर दनुवार दनुवार काईलाले आज कटारी वडा नम्बर ८ को कालिका आधारभूत विद्यालय सिरिसेका विद्यार्थीहरुलाई निशुल्क पोशाक वितरण गर्नुभएको छ ।विद्यालयका ४५ जना विद्यार्थीहरुलाई निशुल्क पोशाक दनुवारले वितरण गर्नुभएको विद्यालयका व्यवस्थापन समिति अध्यक्ष कुमार विश्वकर्माले बताउनुभयो ।
पोशाक वितरण गर्दै समाजसेवी दनुवारले आफुले कुनै स्वर्थ नराखि सहयोग गर्दै आएको बताउनुभयो । त्यसैगरी विद्यालय व्यवस्थापन समितिका अध्यक्ष विश्वकर्माले दनुवारलाई धन्यवाद दिनुभयो ।
समाजसेवी दनुवारले वितरण गर्नुभएको पोशाकले धेरैलाई सहज हुने भन्दै अभिभावकहरुले खुसी व्यक्त गरे । दनुवारले हालसम्म कटारीकै मयाँखु , वेतेनी , हलेदे , तित्रिबोट , बलियाका विद्यालयमा पनि पोशाक सहयोग गरिसक्नुभएको छ ।
शिक्षा जस्तो विषयमा कसैले पोशाक नभएकै कारण विद्यालय आउने अवसर गुमाउनु नपरोस भनेर सहयोग गरेको दनुवारको भनाई छ । त्यस्तै सिम्लेको स्कूलमा पंखा सहयोग गरेको पनि दनुवारले बताउनुभयो ।
