जनता भ्वाइस 
कटारी /कटारी क्षेत्रलाई सांगीतिक तथा कलाको क्षेत्रमा अघि बढाउन एभरेष्ट साँस्कृतिक कला समाज गठन गरिएको छ । हिजो किचन होम होटलमा यस क्षेत्रका सांगीतिक क्षेत्रका युवा तथा अग्रजहरुको भेलाले श्रवण सुनारको अध्यक्षतामा समिति गठन गरेको हो ।
समितिको उपाध्यक्षमा चिरन्जिवी राई , सचिवमा राजकुमार मगर , कोषाध्यक्षमा प्रतिक्षा परियार , सहसचिवमा धनकुमार बानिया , चयन भएका छन् । त्यसैगरी सदस्यहरुमा सिमन लामा , विशाल परियार , आकाश श्रेष्ठ , सादिल तामाङ्ग , अमिर सुनुवार र सम्झना तामाङ्ग चयन भएका छन् ।
भेलाले समिति गठनसँगै संस्थालाई कानुनी रुपमा संञ्चालन गर्न जिल्ला प्रशासन कार्यालय लगायतका कार्यालयहरुमा दर्ता गर्ने पनि निर्णय गरेको छ । कटारी नगर उद्योग वाणिज्य संघ (चेम्बर अफ कमर्स)का अध्यक्ष पवन श्रेष्ठको प्रमुख आतिथ्यतामा भेला सम्पन्न भएको हो ।
नयाँ गठित समितिलाई वधाई दिंदै अध्यक्ष श्रेष्ठले बधाईका साथै आगामी दिनमा संस्थालाई अघि बढाउन संघले अभिभावकत्वको भूमिका निर्वाह गर्ने बताउनुभयो । भेलामा उदयपुर जिल्ला समन्वय समितिका सदस्य विष्णु कटुवाल , संघका उपाध्यक्ष शूर्य लामा , सचिव देवान थापा , समाजसेवी अनिल श्रेष्ठ लगायतकका व्यकित्वहरुको सहभागीता रहेको थियो ।
