जनता भ्वाइस 
काठमाडौं– परराष्ट्रमन्त्री प्रदीप ज्ञवालीले दुई उच्च अमेरिकी अधिकारीसँग भेटवार्ता गरेका छन् ।
विहीवार परराष्ट्र मन्त्रालयमा अमेरिकी कँग्रेस, एशिया प्यासिफिक मामलाका लागि उपसमितिका प्रमुख अमी बेरा र स्रोत, बजेट र इथिक्स कमिटिका सदस्य जर्ज होल्डिङसँग परराष्ट्रमन्त्री ज्ञवालीले भेटवार्ता गरेका हुन् ।
भेटमा दुई पक्षीय सम्बन्धका बारेमा कुराकानी भएको परराष्ट्र मन्त्रालयले जनाएको छ । एमसीसी संसदबाट पारित गर्ने तयारी भइरहेको बेला अमेरिकी कँग्रेसका सदस्यहरुको नेपाल भ्रमणलाई अर्थपूर्ण रुपमा हेरिएको छ ।
