जनता भ्वाइस नेपाली कांग्रेसका सभापति शेरबहादुर देउवा प्रजातन्त्र दिवस मनाउन सुनसरीको धरान पुगेका छन्। उनले बुधबार धरान उपमहानगरको भानुचोकमा राष्ट्रिय झण्डा झण्डोत्तलन पनि गरेका छन्।
धरान उपमहानगरले आयोजना गरेको कार्यक्रममा सहभागी हुन देउवा धरान पुगेका हुन्। उपहानगरले पूर्वप्रधानमन्त्रीसमेत रहेका देउवाको उपस्थितिमा प्रजातन्त्र दिवसमा प्रभातफेरि, झण्डोत्तलनलगायत कार्यक्रम गरेको हो।
धरानमा हालै भएको उपनिर्वाचनमा नेपाली कांग्रेसका उम्मेदवार तिलक राई मेयरमा विजयी भएका थिए।
