जनता भ्वाइस काठमाडौं – गायिका मेनुका पौडेलको आवाजमा सजिएको गीत ‘रंग भित्रको’ सार्वजनिक गरिएको छ । यो गीत युट्युबमार्फत सार्वजनिक गरिएको हो ।
गीतका शब्द सञ्चारकर्मी दिपेन्द्र घिमिरेले लेखेका हुन् । यस्तै गीतमा एस.डी योगीको संगीत रहेको छ भने संगीत संयोजन रिकेश गुरुङको छ ।गीतको भिडियोमा मोडल निराजन प्रधान र नीता ढुङ्गानालाई देख्न सकिन्छ । यस्तै भिडियोमा शान थापाको निर्देशन, अनिल के. मानन्धरको छायांकन र सुप्रिम पराजुलीको सम्पादन रहेको छ ।
