जनता भ्वाइस तुल्सीपुर पुस ६, दाङमा बस दुर्घटना हुँदा नौ जनाको मृत्यु भएको छ । ३१ जना सवार बस तुलसीपुर–कपुरकोट सडकखण्डको तुलसीपुर ३ राम्रीमा दुर्घटना भएको हो । सल्यानबाट दाङ आउँदै गरेको बा ४ ख ९७६६ नम्बरको बस दाङ तुलसीपुर उप-महानगरपालिका वडा नम्बर ३ राम्री भन्ने स्थानमा दुर्घटना भएको हो। दुर्घटनामा परी ८ पुरुष र एक महिलाको मृत्यु भएको जिल्ला प्रहरी कार्यालयले जनाएको छ। बस सडकबाट झण्डै सात सय मिटर तल खसेको प्रहरीले जनाएको छ।
अहिले दाङ र सल्यानको प्रहरी, स्थानीय उद्धारमा खटिएका छन्। घटनाको थप विवरण आउन बाँकी छ । सहीद कृष्णसेन इच्छुक प्राविधिक शिक्षालयको बस दुर्घटनामा परेको हो। कपुरकोटस्थित मुलपानी वनस्पति उद्यानको अवलोकन भ्रमण गरेर फर्कदै गर्दा शिक्षक तथा विद्यार्थी चढेको बस दुर्घटना भएको प्रहरीको भनाइ छ।
