जनता भ्वाइस साउदी अरबका राजा सलमानले सन् २०१७ सेप्टेम्बरमा घोसणा गरे बमोजिम सोमबार १० जना साउदी महिलाले सबारी चालक अनुमति पत्र प्राप्त गरेका छन्| उनीहरु सबैले बिदेशी सबारी चालक अनुमति पत्रको आधारमा साउदीमा गाडी चलाउने लाइसेन्स पाएका हुन्|
आउँदो जुन २४ देखि साउदी अरबका महिलाहरुलाइ गाडी चलाउन लगाइएको प्रतिबन्ध फुकुवा हुँदै छ| यो ऐतिहासिक निर्णयले पचासौं बर्षदेखी महिलालाई कानुनी रूपमा गाडी चलाउन लाग्दै आएको प्रतिबन्धलाइ समाप्त गरेको छ|
यो निर्णयको असर स्वरूप आउँदो हप्तासम्म २००० भन्दा धेरै महिलाहरुले लाइसेन्स पाउने अपेक्षा गरिएको छ| त्यस्तै यो निर्णयले साउदीका राजकुमार मोहम्मद बिन सलमानको भिजन २०३० लाइ समेत सघाउ पुर्याउने बताइएको छ|
