चोरीको मोटरसाईकल प्रयोग गरी लागु औषध कारोबार गर्ने पक्राउ

काठमाण्डौ माघ १०, लामो समय देखि चोरी कार्यमा संलग्न रहि लागूऔषध समेत कारोबार गर्ने काभ्रे घर भई काठमाण्डौ महाराजगंज बस्ने डेण्डुप लामा र सोलुखुम्बु घर भै काठमाण्डौमा बास्दै आएका सविन श्रेष्ठलाई प्रहरीले बिशेष सूचनाका आधारमा पक्राउ गरेको हो ।
उनीहरुले माघ ८ गते शिक्षण अस्पताल महाराजगञ्जबाट जितबहादुर वाईवाको बा.६० प ४०३० नम्वरको युनिकन मोटरसाइकल चोरी गरेका थिए । उनीहरुलाई प्रहरीले शिक्षण अस्पताल महाराजगंज अगाडी रहेको सुनाखरी होटलबाट चोरीको मोटरसाइकल र लागुऔषध डाईजोल्याव ५ एम्पुल, नुर्फिन ५ एम्पुल, फेनेरागन ५ एम्पुल र ३ थान सिरिन्ज सहित पक्राउ गरेको हो ।