जनता भ्वाइस चैत्र ४, २०७३– तेह्रथुमको छथर गाउँपालिकास्थित फाक्चामाराबाट प्रहरीले शुक्रबार भरुवा बन्दुकसहित दुई जनालाई पक्राउ गरेको छ ।
भरुवा बन्दुकसहित जंगलमा सिकार गर्न जाँदै गरेका फाक्चामारा-३ का ३६ वर्षीय दिलकुमार लिम्बू र ३७ वर्षीय होमबहादुर लिम्बू पक्राउ परेका हुन् । पक्राउ परेका दुवै जनालाई थप अनुसन्धानका लागि नियन्त्रणमा लिइएको ईलाका प्रहरी कार्यालय वसन्तपुरका निमित्त प्रमुख प्रहरी नायव निरीक्षक सुरेन्द्र ढुंगेलले बताए ।
