जनता भ्वाइस 
भारतीय सीमा सुरक्षा बल (एसएसबी)को गोलीबाट गत बिहीबार मृत्यु भएका कञ्चपुर पुनर्बासका गोविन्द गौतमको आज (आइतबार) राष्ट्रिय सम्मानसहित अन्त्येष्टि गरिने भएको छ । उनलाई सहिद घोषणा गर्दै सरकारले उनलाई ११ तोपको सलामी दिने निर्णय गरेको छ । राष्ट्रिय सम्मानको विषयमा सरकारले निर्णय नगर्दा शनिबार गरिने भनिएको अन्त्येष्टि स्थानीयले स्थगित गरेका थिए । सरकारले मृतकका परिवारलाई १० लाख रुपैया दिने सहमति भए लगतै नेपाल प्रहरीले ११ तोप सहितको राष्ट्रिय सम्मानका साथ आज आइतबार अन्त्येष्टि गर्ने निश्चित भएको हो ।
