जनता भ्वाइस इलाम बैशाख १५, इलाममा जारी चौंथो संस्करणको अन्तराष्ट्रिय आमन्त्रण टुबोर्ग माइभ्याली गोल्डकप फुटबल प्रतियोगितामा शनिबारको दोस्रो तथा अन्तिम सेमिफाइनल खेलमा रुस्लान थ्रीस्टार क्लबले सशस्त्र प्रहरी बल एपीएफलाई २-० गोलले पराजित गरेको छ । खेल निकई प्रतिस्पर्धा हुने खेल प्रेमीहरुले आकलन गरे पनि खेल त्यस्तो हुन सकेन,खेलमा थ्रीस्टार हाबी देखियो ।
खेलको पहिले हापको ईन्जुरी समयको ४५+१ मिनेटमा बिमल घर्ति मगरले थ्रीस्टारका लागी पहिलो गोल गर्दै अग्राता लिएका थिए ।
दोस्रो हापमा पनि थ्रीस्टार हाबी देखिएको थियो । खेलको अन्तिम ९० औं मिनेटमा थ्रीस्टारका बिदेशी खेलाडी मार्टिनले ब्यक्तिगत गोल गर्दै थ्रीस्टारको फाईनल यात्रा तय गरेका थिए ।
थ्रीस्टारको जित संगै सोमबार हुने फाइनल खेलमा मनाङ मर्स्याङदी संग सामाना गर्नेछ।
मनाङले शुक्रबार भएको पहिलो सेमिफाइनल खेलमा त्रिभुवन आर्मीलाई १–० ले पराजित गर्दै फाइनलमा स्थान सुरक्षित गरिसकेको थियो ।
वैशाख १७ गतेसम्म संचालन हुने प्रतियोगितामा १२ टोलीको सहभागिता रहेको छ। प्रतियोगिताको विजेताले नगद ६ लाख ६६ हजार ६ सय ६७ र उपविजेताले नगद ४ लाख, ट्रफी र मेडल पाउने आयोजकले जनाएको छ। सर्वोत्कृष्ट खेलाडीले यमाहाको एउटा १५० सीसीको मोटरसाइकल प्राप्त गर्नेछन् भने सर्वा्धिक गोलकर्ताले २५ हजार रुपैयाँ पुरस्कार पाउनेछन्।
